Nagh el Troglodita http://troglodita.nireblog.com Mon, 08 Mar 2010 20:19:49 +0100 Nagh el Troglodita http://files.nireblog.com/blogs/troglodita/gravatar.gif http://troglodita.nireblog.com http://nireblog.com El raposu y el mamuth. http://troglodita.nireblog.com/post/2010/01/03/el-raposu-y-el-mamuth http://troglodita.nireblog.com/post/2010/01/03/el-raposu-y-el-mamuth 220px-mamut_lanudo.jpgAbenayá hebo miembros del clan que s'ofrecieron a permediar coles tribus más poderoses p'ameyorar les nuestres condiciones de vida.

Pero cuando vieron la bayura qu'aquelles tenín escaecieron lo pactao y entamaron una nueva vida al llau d'elles dexando les nuestres espectatives albintestate.

Asina que cada vegada que veo un miembru d'aquel grupu ensin chapeta cuerro a escondeme roceanu de lo que pueda facer.

Porque bien de veces acaba siendo más peligrosu'l pequeñu raposu que'l gran mamuth.

Comments

]]> Sun, 03 Jan 2010 17:32:57 +0100 Cazadores de llingües. http://troglodita.nireblog.com/post/2009/12/28/cazadores-de-llingues http://troglodita.nireblog.com/post/2009/12/28/cazadores-de-llingues korowaiethnicgroup13iw5.jpg
Hai clanes que practiquen la caza sobre les llingües.

Con esti vezu oliven por desaniciar eses llingües que los güelos tresmitieron a los padres y los padres a los fíos.

Quieren asina que toos veamos y entendamos el mundu a la manera qu'ellos lo faen.

Cuando nortio a dalgún de los miembros d'esos clanes escuéndome no más escuro y fondero de la cueva.

Comments

]]> Mon, 28 Dec 2009 11:33:09 +0100 La dómina roxa. http://troglodita.nireblog.com/post/2009/12/07/la-domina-roxa http://troglodita.nireblog.com/post/2009/12/07/la-domina-roxa 250px-autumnwestonbirt750pix.jpgNa dómina u los carreros se visten cola pintalarrama de les fueyes
cuelen dayuri los animales y los árboles ufren los frutos caberos.
Empobinamos pela antoxana del fríu, la ñeve y el xelu.
Ye'l momentu de siguir el rastru, lloñe, de la caza,
de xorrascar el fueu
y d'abellugase n'andoya de les cueves.
La guaxa qu'esglamia al clan faise más presente y sollerte.
La vida camuda más que nunca nuna cuesta pindia y abegosa.
La pintalarrama de les fueyes ye roxa como nosotros
y trainos el badagüeyu de los tiempos difíciles.

Comments

]]> Mon, 07 Dec 2009 12:04:09 +0100 El calicor de la nueche. http://troglodita.nireblog.com/post/2009/12/03/el-calicor-de-la-nueche http://troglodita.nireblog.com/post/2009/12/03/el-calicor-de-la-nueche 240px-full_moon_luc_viatour.jpgCuando la bola de fueu s'escuende, dexa prendíu nel cielu un calicor allumando col color de la lleche.
Dempués, pali que pali, la escuridá va arrincándo-y cachos a taragaños hasta convertilu nuna sonrisa que se va despintando hasta sumise nes tenebres.
Pero, al cabu d'unes nueches, remanez otra vuelta la sonrisa blanca que va creciendo arrincándo-y cachos a taragaños a la escuridá, hasta tornar a ser el calicor del color de la lleche que la bola de fueu dexare al escondese.

Comments

]]> Thu, 03 Dec 2009 12:17:33 +0100 Bola de fueu. http://troglodita.nireblog.com/post/2009/12/01/bola-de-fueu http://troglodita.nireblog.com/post/2009/12/01/bola-de-fueu 300px-afbeelding_van_de_zon.jpgCuando la bola de fueu alluma calecen los cuerpos,
xorrez la llume y les sonrises bilten dayuri como miruéndanos.
Mengua la ñeve y escuca'l verdor anubriendo la tierra.
Aprucen los animales dexando valeros los abellugos.
La vida espolleta y la muerte retírase un migayín acuruxada.
Alitamos roxos como la bola de fueu,
como griños de la so guedeya posaos na tierra.
Y mientres ella s'arremielle allaribón en cielu
recula'l mieu
y enreden gayoleros los rapacinos.

Comments

]]> Tue, 01 Dec 2009 13:48:48 +0100 Estepa xelada http://troglodita.nireblog.com/post/2009/11/25/estepa-xelada http://troglodita.nireblog.com/post/2009/11/25/estepa-xelada c75511eaace416117752a41972cb393a_720x560.jpgDellos clanes escaecen qu'hai poca caza y escuca la Guaxa.

Enfótense n'aponderar clanes y sucesos perdíos ayuri na boca llobu del tiempu y en cuntar histories enfalmaraes na so cueva vestida coles meyores pelleyes.

El cerebru d'esos clanes asemeya a una estepa xelada y erma.

Comments

]]> Wed, 25 Nov 2009 13:42:00 +0100